Liki rayoni Mərənqo Noxəşxonə Pezışk – Nervopotoloq Əfrail Ağayevi ıştə dınyoş ovaxtə. Noyabırə manqi şonzədə Liko qıləy ve qonə xəbə bə əmə oməy rəsəy. Rayoni sər nevropotoloq Əfrail Ağayev hıtə vırəku əyştəni . Həmonə ruji Liki əjiyon bı jıqo cıvoni, bə həmə likıjon dardi çarə kardə pezışk – Əfraili marde bovəşon kardəni. Çumçıko əv ıştən odəmon çe noxəşi dardiku peroxnidəbe. Oxo ım çoknəy bəbey ki, jıqo cıvonə pezışk ıştə dınyo obəvaxte, ıştənən jıqo rə qılə vaxtədə?

Əmə iqlə çiy ve vaxti ıştə yodo bekardəmon ki, əmə həmə çe marde soənəvo jintono nəvedəmon. Har qılə ləzədə çe əmə marde qirəvəmon heste. Piə əmə cıvon bıbəmon, pidə nuperəs, pidə piəmerd ya piəjen. Əve hejo bəpe bıhəşəmon nki, çe əmə mardəbəpeşt bə əmə dılısoxti Xıdo rəhmət bıkə votəkəson bıbun. Çoknəy binim bə Əfrail Ağayevi ımruj Liki yolonku bə ruk həmə votedən. Əmənən votedəmon:

Xıdo rəhmət bıko, Xıdo çe əy əv qılə dınyo bıdo!

TolishMedia