Almaniyadə həşə Leqal miqrasiya mərənqo sərdor Əlovsət Əliyev dastqir kardə bıə. Bı barədə çe əy zoə Turkel Rustəmxanlı votəşe. Əy əvışən ziyodə kardə şe ki, çe əy pıə qərdəni kəşə dıqlə dılmonc heste, çe əvonədə qıləyni hukməti səçınyə dılmonce dıminə qılə ısət boy çe əy pıə dust dılmonc – hüquqşunos Erich Althammere.  Əv bəpe bı rujonədə de Əlovsət Əliyevi vindemon bıkə. De çe əy votəy, çe əy pıə hiç qılə dəvləti dəsturonış darıştəşni.

Əy əvışən ziyodə kardəşe ki, çe əy pıə bə Berlin şeyədə əvışon oqətə dastqirışon kardə. Bəy kom cinoyəti qıno pehande hələ zıne bedəni. Dı ruji bədiqə bı barədə bə ZİV – on her – hevuj rımuz bədomon. Holiədə əçəy koy vırədə təyğəton şedən. Almaniya polisi Nidersaksen, Şlezviq-Holşteyn, Bremen, Xəşixuni Reyn Vestfaliya, Bradenburq iyən  Reynland-Pfalts nomədə şəhəronədə həmən 38 qıləysə vey kəonədə reydonış bardə de emiqranton savdı kardə odəmonışon dastqir kardəşone.

Çe əvon aradə Əlovsət Əliyevən heste binim Ozobiconi sər pantırk Vərqədizi  (Yardımlu) Hamarkəndi divov Sabir Rustəmxanlı rukə boəy. Sabir Rustəmxanli 1991 – 1995 – nə soronədə Ozobiconi Mətbuat iyən İnformasiya vəzirış koş kardə.

TolishMedia