Çoknəy  vindəmon İronədə əjiyon noroziyəti vist qılə şəhərisə veyə vıronış eqətə. Turan iyən co tırkəçəmə aqentətiyon İroni vılo bey barədə qəvbəpuri votedən. Çe əvon şoy – voy karde səkıştə ımeyki, mılxəs İron vılo bəbe tırkonən Turani obənon. Iştənən çı Turani zəminon İron, Rusiya, Ermənistoni həndəvərədə bəbe. Sıxan ni jıqo qıləy keşvəri oneyro tırkə sə petove əzıni, ım yəhudiyon bə çe əvon haləsə noə puçəfamətiey.

Isətən diəkəmon İroni əjiyon boçiçiro bə kuçon emən.

Ko bımədəy ki, Ruhani hukuməti çəsponi nati molyəti dı bəjən rost karde bə əjiyon noroziyəti səkıştə omə beşə. Əyən çok əbi ki bıvoti, İronədə nati molyət binim ısət dı bəjən rost bıə, de Ozobiconi tavutədə dı bəjən erjone. Ki votedəbu bıvoto oxo ozobiconıjə əjiyon bı barədə qəp jəy həxışon ni. İron ve qılə ğədimə keşvəre,İroni dəvlətmədorəti tarixi sə – bınış ni. Diəkə dınyo bə çe ruj mandə, pəynə culusk kardə Ozobicon nomədə pesoxtə keşvər bo İroni ıştəni eşandedə. Ay – hay bə şımə holi. Bə İroni sovı Xıdo hiç kəsi zu əvışkınişe. Noroziyəti kardə əjiyonən bə ıştə piəyon bərəsen. Demiyən har çi bə ıştə co bomey. Demokratiya ıme, həni Kobəsonədə, Avropada bıə qıftıqu ni.

 Bıji İron, çe əmə sərkeşvər!

TolishMedia