Moskvadə noyabıra manqi 25 – də III ZİV – i Mediaforum dəvarde. Im dastqo Moskva hukuməti çe milləton koysə həşə vəzirəti onəşe. Mediaforumi ojbemoni binoədə iminə sıxan Moskva hukuməti milləton koysə vəzir V. Suçkove kardışe. Bı dastqoədə Rusiya dəvləti har kıçədə jiyə milləton oməbin.

Yakutiyakuş qətə detobə Başqırdstoni, çəyon omə qınyə bə Kareliya. Jıqo qılə yolə dastqoədə tolışon nomo Rusiya Tolışon Diaspora prezident İsmail Şabanov iyən OTV sərdor şair Zabil Məhərrəmov (Mədoj) həşedəbin. Bı dastqoədə həm İsmail Şabanov həmən Zabil Mədoj de co ZİV – on nımoyondon tasıbonədə çe əmə milləti kaşiyonku qəpışon jə.

Rusiya qırd dastpoçəninə ZİV – onədə həşə jurnaliston de tolışon kaşiyon oşonə bıən. Əvonən ıştə tono sıxanışon doə ki, ıştə zıbudə informasiya vasitonədə çe əmə kaşiyon barədə bənıvışten. Tolışə milləti kaşiyon veyin, mande iqlə de OTV – ımon bə həmə dınyo bekarde ve saxte. Əve jıqo – jıqo dastqonədə həşe bə çe əmə xəlği ovcbemoni de dastqətəti bakay. Xıdo bə çe əmə milləti ovand bıdo!

TolishMedia