“ParsToday” infoamasiyə agentəti interneti sayti tolışə baxş xəbə dodə ki, de zımıstoni nez iyən həvosati sard be əloğədar çı əholi bə gazi tələbat xeyli ziyod bıə. “Sputnik Azərbaycan” sayt de ım pronlemi əlağədar nıvıştedə ki, Boku ətrofi dionədə 4 ruje ki, gaz ni. Masazır ğəsəbə sakin Gulnar Səfərova bo sayti muxbiri gəp jəşe ki, həvosat sard bəcəğin bə çəvon di noyabri 1-minə rujiku ğaz omedəni. Bə “Azəriğaz” İdarə zangşon kardə ki, çimi səbəbi bızınon, əmo əvon ım izah kardəşonni.

Im ğəsəbə co gıley əji Fəxriyyə Kazımovan votedə ki, bı həxədə bə Abşeron Ğaz İstismarə İdarə pars doəşone, əvon cəvob doəşone ki, bə ğazi tələbat ziyod bıe səbəbiku təzyiğış saru egıniə. Suraxanı rayonu Hovsan ğəsəbədən vəziyyət ım curey. Əyoən 4 ruje, ğazi təziyğ anədə sarue ki, ğəfədoni bə 3 saat gılvonidə. Çe Boku hətto mərkəzi rayononədən abonenton ğazi təzyiğiku norozin. Nərimanov rayoni Yusif Çəmənzəminli, Ağa Nemətulla kuçəonədə ğazi təzyiğ rə-rə kəskin saru egınidə. Binəgədi rayoni Rəsulzadə ğəsəbədən vəziyyət jıgoe.

Azad İstehlakəkon İbemoni sədr Eyyub Nuseynovi etiraf kardəşe ki, bəvonən çe “Azərigaz”i kolhındə koy barədə xeyli şikayəton daxil bedə. Çəvon xeyli hissə bə Sabunçi rayoni və bə Məştəğə ğəsəbə baxş egınidə. “Azəriğaz” əhali de ğazi təmin kardə yekanə monopolist şirkəte. Bə səbəbən abonenti de co şirkəti muğavilə dəbaste imkanış ni, çe ım monopolistiku jidastie. Əvən konkurentış nıbe səbəbiku bə təçhizati texniki tərəfi anəhoyən pape bedəni, bə zımıstonə mevsum ovaşte ro texniki vasitəon vaxtədə tazisə noəş ni, ğazi təzyiğ kəskin saru egınie, barz bıe bey səbəb bedə ki, mənzilonədə ğazə tıpemonon bedən, və ya odəmon ğazi parzie nəticədə zəhərəlud bedən, ıştə jimonu çe dasto dodən.