Ozobiconi Milli Məclis vadoə bey

De Ozobiconi prezidenti sərəncomi keşvəri parelament vadoə bey. Nuə səçınon bino bəben. Diəkəmon ım səçınon bə çe əmə milləti dast bəqəte ya ne? Bı koədə ve bə dumot şey lazim ni. Bə əmə bərmalə bey ki Ozobiconədə tolışə milləti hiç qılə perespektivış ni. Bo nuə parlamenti deputaton ijən səçıniyə ney, de prezidenti dasti nıvıştə bəben. Əve tolışon bəpe bo ıştə səyro çarə bıkən.

Çarən ımeyki, əmə bəpe bo ıştə dəvlətmədorəti oneyro bıhəşəmon. Həni qılə dastmol penıqətəmon bə dast nıbəməmon. Çe əvon parlament, hukuməti xonə, prezidenti inistituton həmə bə ico de əmə deşmenəti kardən. Əməni hiç bə odəm zıne pidəşon ni. Oxo əmə boçi bəvədə bə əvon qibəkul lovə bıkəmon?! Çe əmə milləti qırd sərostə ro bə əvon hurəc karde, ıştə həxon bə dast vardeye. Əmə bı barədə bə ıştə xəlği çand sorone votedəmon.

Mande kali kurucəğə tolışon bə odəmon səy kəjələ por dəjənedən. Sənibəton ijən bə şımə jıqo votedəmon: Xosə tolışon Ozobicon nomədə pesoxtə keşvərədə nə bo əmə keşvər, nəən bo əmə dəvlət benıbəşe. Əmə bəpe ıştə dəvləti, ıştə keşvəri sənibəton bərpo bıkəmon.

Bakamonən! Xıdo bə Tolışi ovand bıdo!

TolishMedia

 

Comments

Be the first to comment on this article

Leave a Reply

Your email address will not be published. Required fields are marked *

Go to TOP