Ermənistoni paytəxt Yerevanada “Qafqazi iyən Kasipi həndəvəri bınəyniyə xəlğon bə elmi ruşinə beşəyon iyən holiyədə duəvojə pesoxtəyon” barədə konfransi dıminə ruj de elmi nıvıştayon, de elmi ehandemonon ve zanqin bey. Çe Nadir Şah Qafqazada kardayon barədə Dağıstonada omə alim Teymur Aytberovi her-hevujə ehandış karde.

Çayo İronada omə alim Nima Asefi miyonə farsi zivoni barədə iyən tolışə zıvoni bə miyonə farsi çanəndə nez bey barədə ehandışe. Çəyo Moskva Dəvləti Universiteti profesor Ələkbər Ələkbərovi iyən Oleq Mudraki Arani iyən tolışi zamini tarixi, fərhənqi, miji iyən jimoni barədə vey qılə qiraminə ehandışon karde. Peş bəvon sıxanışon bə şair Zabil Mədojişon doy.

Zabil Mədoji tolışi de erməni zıvoni çananda  nez bey barədə ehandışe. Çe əy ehandədə erməni-tolışə zıvoni bəyəndı mandə  sıxanon nımonon ehandışe. Demiyən konfrans de ıştə elmiyə ehandon ıştə kooş damədə bardışe. Xıdo bə tolışi iyən erməni xalğon ovand bıdo