Ermənistoni paytaxt Yerevanədə İminə “Qafqazi iyən Kasipi həndəvəri bınəyniyə xəlğon bə elmi ruşinə beşəyon iyən holiyədə duəvojə pesoxtəyon” konfransi ıştə koyış bə sə jəşe. Konfrans dekabırə mabqi 6 – 7 – də saat 10: 00 – də bino bedəbe, hanqomoni saat 19:00 – də orəxedəbe.

Konfrans de bino sıxani Yerevani Dəvləti Universiteti İronşunasi fakultə dekan professor Vardan Voskanyani ojış karde. Konfransədə akademik V. Zaxarov, professor V. Besolov, professor Ə. Ələkbərov, professor Q. Qevorkyan, dossent A. Vardanyan, dossent, H. Kirokosyan, professor T. Aytberov, professor O. Mudrak, professor N. Asefi, professor M. Karimi, professor Z. İbrahimi, Rusiya Tolışon Diasapora prezident İ. Şabanov, Tolışə dastpomınin. R. Ağayev, şair Z. Mədoj iyən co odəmon həşedəbin.

Konfransi orəxədə de V. Voskanyani ovardi çe ımi bə çəton har dı sorədə i bəjən dəbəvoniyen. Konfransi proqramma ve foydənin iyən molyətin bey. Bı barədə iyo həşə akademikon ımışon bə ıştə qəv varde. Xıdo bə Kasipi həndəvəri xəlğon ovand bıdo!

TolishMedia