De çe əmə əlehdə muxbiri doə rımuzi Liki Rvaru di əjiyon Hacıyevon xıyzonədə həşt qılə zoə, dı qılə kinə jidə. Ve muqızqıniyə hol ıme ki, çı da sə əğıl bıə xıyzoni hələən kəş ni. Donzə sə xıyzoni jiə kə çe əvon ıştən kə ni. Sividı sornəni da əğıli pıə Səxavəti jimoni həmro sivihəşt sori dılədəy.

Əğılonədə şəş nəfər məktəbədə handedən. Çe Hacıyevon xıyzoni orəxnə qof- quşə dı haftə çe ımi bə nav bə dınyo omə. Sıxan ni ısətnə vaxtədə jimon karde, anəndə əğılon noğo doy vey saxtə koy, mande tolış hejo ıştə tolışə udumi nişo doydə. Qirəm tarixədə tolışon har xıyzonədə kamiku da qılə əğılışon bə peşo noəşon bıə nəbəy, ısət tolışi tum pesiyəbe. Xıdo bə tolışi demoqrafiya tikəyən ovand bıdo, əy heve bıko!

Lik – Rvaru.

Sərdor Bunyadov.