Vərqədizi Əvçədulon di jimon Əyyar Şukurov ışdə xeyzoni quzaraniku bo Meydan tv qəpış jə.Xeyzoni hiç qılı ğazancış ni, əğlonış bə məktəb piəçıni rujədə şedə Diədə hiç qılı koy vırə ni. Divojon ışdəni oğəte ro ışdə mol mələ kışdən, 2- 3 manqnə yomiyə sedən.Şukurovon kəən vey bərbod holədəy, 7 xonəxo 1 çəşmədə jidən.

Əyyari həmro ruhı nəxoşe, pul nıbeku bə həkimi şe zındəni.De Əyyarı i kədə jimon kardə zoə Nicat xeyzonxıvande, 2 qılə əğıli dədey. Nicatən boşdə ko peydo karde zındəni. Xeyzoni bə dukoni 400 mənot ğarzış hıste. Votdə aradə bo divojon mardəyon yasin handə, 3-5 mənot doydən, ıntasi quzaran ənəndə bevəce camaati sə dəpişiyə de i tikə nun ğəzənc karde, həni mardəyon bə yod dəşdənin, dard çe mandəyon darde. Əyyar 62 sinədəy, bo pensiyə hələ 3 sor mandə.

Xeyzon Hiç qılı sosial təminat seydəni. Bə kovrə şıkat kardəmon, har vırədə çəməkuşon pul pidə. Vərqədizdə zımoston həvosət sorədə 5-6 manq vey sard dəvardəy. Kəy tosbone ro çəmə izımə pul 800 mənot kardə.Vışəku izım varde haşdənin, Çiç bıkəmon? Korpə əğlin kədə sardiku bımardon? Umu mandə iqlə bə xıdo.