Sankt – Peterburqədə de İconə Səbəsojə Dəvləton qırdəbemonədə Ozobiconi beməxə prezident İlham Əliyev de Sankt – Peterburqi ozobiconıjə diaspora yolonən vindemonış kardəşe. Bı vindemonədə diaspora sərdor Vaqif Məmişev, çe əy nimsərdor Məşkur Qasımov, Vaqif Məmişovi zoə iyən co diaspora tono – kəno pezinqiə odəmon bıən.

Haftəy çımi bə nav Ukraniya sərvil Kiyevo Elvin İsayevi dızdiey ko Sankt – Peterburqo bino bey. Im odəmon, bə xosiyən Vaqif Məmişev iyən Məşkur Qasımovi de Peterburqi kali dələdızə polison dasti navədə Elvin İsayevışon doy dastqir karde, çəyoən əvışon jıqo doşone tovədə haşte ki, əv bıə bıvito bə Ukraina. Ukrainadən bə çe əy sə çe qulon oməyn ımiyən həmə çok zınedon. Ko bımıədəy ki, Məşkur Qasımov dınyo sutedəbe ki, az xəbəm nime çe Elvini bı koədə.

Bəvədə parsedəm: Bo çiçi Ozobiconi beməxə prezidenti bə şımənış sepas votışe, şıməku ıştə roziyətiş karde? Şımə ıştəni bə dast dənoy bəzneyon “xosə” Məşkur Qasımov iyən Vaqif Məmişev həni odəmon ney. Şımə kardəyon həmə çəşi vədəy. Xıdo bə şımə tu bıko ki, bə jıqo qılə koon dast ğandəyone.

Şımə çe ımi tambe bəsteyon həzo – həlbət. Xosə əhandon bə şımə vir dəğandəmon ki, Elvini İsayevi dızdi koədə bə isə qınokar zınə ım dıkəson Məşkur Qasımov Masali rayoni Akon (Ərkivan) nomədə diədə çe moəmo bıə. Vaqif Məmişov Masali rayoni Zuvan nomədə diədə moəmo bıbuyən, əslış Qırcostoni Kosalar nomədə diykuey.