Zinə dekabırə manqi 23 – də Ozobiconədə bələdiyə səçınon davardin. Səçınon bə əjiyon hiç qılə nuə çiyışon nişo nıdoy. Çoknəy ım epıxə – pesoxtə keşvər bə zirızəminı bın eşedəbe, hejo jəqoən damədə ıştə bə zəmiş eşe roy şedə. Bı keşvərədə hiçkəynə ozodəti, demokratiya ya bə odəmon dair bıə qılə sərisofəti əbıni. Çumçıko bı keşvərədə har çiy pul olığnidə, pul tazisə vardedə. Dey odəmon əğıydə çe əvon cəni, coni, famemoni pul bə riyə nodə. Çı pesoxtə keşvəri prezident bə har məmuri pulə eçın noə bəpeştə, çe əmandəniyə odəmonku kom sıxan şey bəzıney?

Əve hejo dekabıri 23 , 2019 – nə sori davardə bələdiyə səçınon bə əjiyon əvışon nişo doy ki, şımə iyo iqlə nokəti karde bəzıneyon. Sovı nokəti şımə bo co qılə ko karde hiç qılə qirəvəon bey əzıni. Nokə çiçe bə əğə koy das dəğande ya poəjənəti karde çiçe? Şımə çı kujonku sərisofəti çəş kardonbu, bəvədə çəş bıkənən kəynə “ Huş zizə bakay”, əvonən bə sərisofəti ray bədon.

Xıdo əmonətədə!

TolishMedia.