Ozobicon bə ıştə əjiyon mıjdi doə Səbəsojə Dəvləton İconəti keşvəron reçədə jintono bə penton çominə vırədəy. Əv bı reçədə ıştə hamusiyə nə ğaz nə nat bıə Qırcıston iyən Ermənistonisən jinə vırədə pemandə. Bı barədə SDİ keşvəron edoştə rımuzədə nıvıştəşone. Çe SDİ keşvəron statistika mərənqo davardə sori Ozobiconi əjiyon miyonə manqə mıjdi 320 avro ya 355 dollari aşmardi fayədə bey nıvışən.

Im aşmarda davardə sori senyabırə manqi mıjdiyon ziyodə karde holiyən çe əy kutisə noəbəpeşt jıqo nişo doə bıə.  Ozobicon bə əjiyon manqi miyonə mıjdi erosniey fayədə Qırğıstoni, Ozbəkistoni iyən Tacikistonisən kamişi bə nave.

Rusiya, Belarus, Qazaxston, Ukraina, Moldova iyən ıştə hamusiyə Qafqazi keşvəronku bə dumo mandə. Oxo votedən ki, Ozobicon dınyoədə ovcbemonədə ənəanoloqə keşvəre. Kıve bəs?

TolishMedia