TolishMedia informasiyə agentəti muxbir Boku şəhəriku xəbə dodə ki, bə oxonə məlumoton əsosi, Ozobiconədə benubə səçınonədə deputatəti nomizədon mığdor kam beədə bə 1409 rəsə.

Çımiku bə nav Mərkəziə Səçınə Komitə elon kardəş be ki, navsəçınə agitasiya bino be bəpeştə 237 gılə nomizədon səçınonədə iştirok kardeku imtino kardəşone. Sıvoy çımi Mərkəziə Səçınə Komitədə Xətai rayoni 35 numrəninə səçınə komitə sədr İmran Huseynəliyevi istefo həxədə məlumotış təsdığ kardəşone.

Ğeyd bıkəmon ki, ım səçınə məntəğədə “Umid” partiya sədr İğbal Ağazadə iyən “Yeni Müsavat” rujnomə sərredaktor Rauf Arifoğlu arədə şiddətinə rəğobət bə nav şə. Im navkonə silohdoşon ısət iyəndı vey tınd tənğıd kardedən.