Dınoy bə larz vardə koronovirus Tolışstoni paytaxt Lankonədə heve bıə narkotiki noxəşiyon tono hiç çiey. Çumçıko Lankonədə narkomanon ənəndə ve bıən ki, çe əvon vəy pebırnie hiç curə qirəvə ni. Im noxəşi Ozobiconi hukumət ıştən pevılo kardedə. Narkotik maddon Lankonədə bərmalə har vırədə hıriey bedə. Bı barədə bə şəhəri sərdorəti, polisi xonə çand bəjən xəbə doə bıə. Əvon ıştənışon noə bə kuəti, loləti iyənç korəti.

Oxo ım ko çe hukuməti jıqo piəye, əve polisən bı jıqo çiyon çəş vi kardedə. Dıminə virusi nomən orəxnə vaxtonədə Lankonədə pevılo bıə vəhabiyəti viruse. Im virus Çino omə kortonovirusisən ve xətoy. Orəxnə vaxtonədə bə Lankon çe Ozobiconi co – co vıronədə omə vəıhabi emissaron çayxonə iyən kafeyonədə nupərəson, cıvonon aradə vəhabiyəti əğıydə təbliğati bardedən.Im noxəşiyən çoknəy zındəmon koronovirusisən yavəy. Xosə tolışon oğo bıbənən. Iştə fərzəndon bə kujon çanq mədənən. Əmoni ruje!

TolishMedia