Fevralə manqi 9 – də pesoxtə Ozobijoni Respublikadə parlamenti səçınon dəvardin. Səçınon çoknəy zınedəmon hejo de pesoxtətiyən bə sə qınin. İyo səçıniku hiç qılə rımuz nıçiəy. İlham Əliyevi çe ki nomış nıvıştəşbe, əvonən səçıni ğotiyədə bekardə bey. Çı jıqo biaburçiyəti nomışon noy səçın. Əy tobə qirəm ım səçınebu, bəvədə əmə zınedənimon səçın çoknəy bedə?!

Xıdo bıbırno jıqo hukuməti de çe əy şitə prezidenti. Sosial şəbəkonədə binim çe kom səçıni xononədə həniyən vey behəyoəti ksardə səçıni xonədə əhəşon dimi şəkilon həmə baxş kardə bedə. De həyfi ki, bı şəkilonədə Tolışstoni kali əjiyon şəkilən eqıniyə. Im reimi bo cılməy nuni odəmonış həmə bə iyəndı deşmen kardeş pidə. Xıdo bə yeraz – naxçıvani kujə tobyə tu bıko. Imon taki de səlpojə nıtojnon, ımon çı beçizə əjiyonku dast əkəşınin.

Xıdo bə Tolışon koməq bıbo!

TolishMedia