Fevralə manqi 11 – 2020 nə sori Rusiya paytaxt Moskvada İroni İslami Respublika sərsəfir Kazem Cəlali de İnqilabi 41 sornəni soraqardışi anqıl dastqo dəvoniəşe. Bı dastqoədə çe Rusiya rəsmi şəxson həmən Rusiya Federatsiyada həşə İroni dustə keşvəron səfiron vanq kardə bıən. Tolışon Rusiya Diaspora prezident, Rusiya Prezidenti Milləton Koy Kutisə Şura Tono Əhəş İsmail Şabanovan bı dastqoədə rəşmi vanq kardə bıə mehmonon reçədə bıə.

Bı dastqoədə İroni İslami Respublika sərsəfir əğə Kazem Cəlali de İsmayil Şabanovi tasıbədə ıştə nomo bə Tolışon de İroni İslami Respublikada xosə rəvimoniro ıştə sepasış votə. Səfiri əvışən ziyodə kardəşe ki, tolışon tarixi İroni xəlğin əve əməni şımə jimon siyasi mij hejo pape kardə. Dastqo orəxədə ağa Kazem Cəlali iyən co mehmonon de İsmail Şabanovi xotomonə şəkilışon kəşə.

TolishMedia