Zinə şamqo de Boku vaxti saat seədə YAP -i (Yeni Azərbaycan Partiyası) çəsponi qırdəbemonış dəvoniyəşe. Bı qırdəbemonədə Ozobiconi Resbublika prezident İlham Əliyevi jen iyən Ozobiconi Respublika vitse – prezident Mehiraban Əliyeva de nunəkıleyə səçıni roy sərdor səçıniyə bıə.

Çəşonon ruşin, orəxədə ım Hində bə ıştə piə nocon rəsedə. Jıqo beşedə çe Həmzəyi – Şuhəda cəğə hardə Hində ısət Ozobiconi əjiyon həməy cəğə de ıştə dandonon bəcuye. Odəmonən iqlə əy tarif kardedən ki, əy de əvonış koyış nıbuşe. Dınyo ko jıqoş vardəşe ki, jıqo bədəxlaqə jenon bə həmə kinon nımunə bıən. Im odəmi bənəy nənə ıştə dıqlə kinəş fər – fəri bə şuyış doyış zınəşnişe.

Çəy yolə kinə Leyla respublikadə bənəy fahişə cəre, dıminə kinəən Arzu ıştə şuəş de çəxoş anc – ancış kardəşe, ısət omə nıştə ıştə pıə siyobırqıniyədə. Xıdo çı ımon dılon nocon çımon dılədə bahaşto, ımon odəmonışon bəzinhor vardəşone.

Isət çoknəy binim ım məkri – zənən Mehriban Əliyeva bə YAP – i sə oməy, çımi dumoən əv bəbe ki, vay – bə əjiyon holi.Isət şımə bəştə kurki paşmə dəjənən. Dı bəboli bo şımə, şıməni çiçon çəş kardedən, əy iqlə Xıdo zınedə!

Jıqo – jıqo koon!

Babək Bəleləbırıj