Tolishmedia informasiya agentliyinin verdiyi xəbərə görə, Lənkəranın Şürük kəndində 9 fevral 2020-də iqtisadçı alim Qubad İbadoğlunun qızı Jalə Bayramovaya zor tətbiq edilib və o fiziki təzyiqlərə məruz qalıb.

İbadoğlunun sözlərinə görə Jalə Bayramova 76 saylı Dairə Seçki Komissiyasının (DSK) Lənkəran rayonu Şürük kənd mədəniyyət evində yerləşən 16-cı məntəqəsində məşvərətçi qismində iştirak edib.

“Qızım Bayramova Jalə Azərbaycan Respublikası Seçki Məcəlləsinin 22.9-cu maddəsində nəzərdə tutulmuş hüquqlarını yerinə yetirərkən fiziki təzyiqlərə məruz qalıb və məntəqədən zor tətbiq edilməklə uzaqlaşdırılıb.

Bununla əlaqədar olaraq, Jalə Bayramova zərərçəkən qismində yerli polis şöbəsinə müraciət etsə də hələ də zəruri tədbirlər görülməyib”,- deyə o qeyd edib.