TolishMedia informasiyə agentəti muxbir Boku şəhəriku xəbə doedə ki, oxonə rujonədə məmləkətədə 3 gılə tələbə vəfotış kardə.

Bə pevılo bıə məlumoton əsosi, Dovlətiə İğtisodiə Universiteti 3-nə kursi Ramil Kazımovi ıştənış kıştə.

Çı Boku Dovlətiə Universiteti oxonə kursi tələbə Ayşən İsmayılzadə iyulə mangi 23-ədə bə xıdo rəhmət şə. Əv revmətizmi noxəşiku əzyət kəşedəbe iyən xəyli vaxt mıolicə kardə bedəbe.

Ozobiconi Nati iyən Sənoye Dovlətiə Universiteti tələbə Mikayıl Əzizovi meningiti iyən pnevmoniyə nəticədə vıfotış kardə. Əv xıyzonədə igləliə əğıl be.

Ğeyd bıkəmon ki, Ozobiconədə intihori mığdor, xısusən cıvonon arədə rujbəruj yol bedə ki, hukmən de sosialə problemon angıl bedə, dovlət iyən təşkilotonən behərəkət mandedən iyən sosialə və psixolojiə gonə vəzyətədə bıə cıvonon koməg kardedənin.