Avqustə manqi 27 – də Ozobiconi ləşkəri ənəxəbədə bə Bandi Xərəboği – Arsaxi resbublikaş hurəcış kardəşe. Hejo iminə ruji bino bıə canqədə bə Tolışstoni zəmin nəv qılə mardələş omə. Im hələ canqi iminə ruje.Jıqo bışu bəvədə tolışon tum qırd bırniyə bəbe. Jəğonəy tolış bənəy qılə milləti hiç kəynə bı çı ımon yod omedəni.Qirəm çe tolışi həxon bərpo kardeku qəp bışo, ımon yas qətedən bo ıştə səy.

Çoknəy hejo Xərəboğədə canq bino bedə tolışə mardələşon dumoyəndı omedən. Oxo həjdə sornəni sərbozi navədə çe koyış heste? Həjdə sornəni cıvon qululə vədə çoknəy petove bəzıne? Xıdo bə Ozobiconi hukuməti, bı pesoxtə keşvəri tu bıko, əy pedəyvono. Çanəndə Nıso Qafqazədə Ozobicon nomədə qıləy pesoxtə keşvər hestebu, bı zəminonədə hik kəynə aşişəmijəti əbıni. Çımi orəx çanəndə rə bıbu, anəndə bınəyniyə xəlğon con rə pebərəxe.

Tolish Media