Tolışə bıvon, Tolışə hovon!
Boəmon tikəy bəçəmə dəvardə vəzyəti diyə bıkəmon. Cangiku bə na Ozərboycondə çəmə xəlğı nom heç nıbe. əməni qətdəbin, kışdəbin iyən məhv karde pidəşonbe. Bə yod biən ə Tolışoni ki ısətən Boku zindonondə məhbusin, bı səbəb ki əncəx votdəbin əmə Tolışonimon.

Boku hukomət de Turkiyə iyən co diktətorə goropon ve cəhd kardəbin ki çəmə Tolışə xəlği rəğıku hışk bıkəyn iyən əməni məhv bıkən. boçi ki əvon ısətnə Ozərboyconı xəritədə həmə jiyə xəlğon Tırk pidəşone. Ime ki Tolışon, ləzgion, Avaron iyən co milləton zıvon, mədəniyət iyən hesı-ni pegordınye pidəşonbe.

Tolışə bıvon, Tolışə hovon!
Boəmon tikəy bəçəmə dəvardə vəzyəti diyə bıkəmon. Məgəm ın Boku hokumət nıbe ki çəmə həmmə ziyalion, alimon, həxtələbəkon iyən əktiviston bənə Pırofessor Novruzəli Məmedovı həbsədə kışdışe? Yodıku beməkən ə zulm iyən sitəmkoətiy ki Boku panturkə rejim kardışe bəçəmə Tolışon zidd, ne, yodıku beməkən! Çiç be ısət ki Ozərboyconı panturkə hukomət əməni ıştə dust sədo kardəy? əlbət ki bəpe əçəvon hiləgərətiədə əsir nıbəmon. Hərəbaxt ə milləte ki ıştə ağli çəşi oj bıkə iyən ıştə ətrofədəbə həğiğəton bıvindo.

Tolışə bıvon, Tolışə hovon!
Boəmon fəryod bıkəmon, zikkə bıjənəmon ki: ın cang çəmə Tolışon cang ni !

ənvışt: İsa Tolış