1939-minnə sori Yanvarə mangədə çı Ostoro rəyoni Pensə diədə bə dınyo omə. 1963-minnə sorədə ADU(ısətnə BDU) coğrafiya fakultəj sə karde. Çı Ostoro muxtəlif diyon məktəbonədə direktor, muəllimıj ko kardə.
Zulfiqar Əhmədzodə ov peşomə çaşmonədəj çaştəbe. Bə dınyo şair oməbe.
2005- minnə sori oktyabrə mangi 21-ədə bı dınyoj vido kardə.

Mex bə zəmin eşdəni

Çəmə jimon ko kardey,
Pəle kardey, marz noey,
Siyo çıxomon hıtə,
Fələki çəşon kuye,
Bıvoton kul do bəbe,
Bovə məkənən, duye!
Şəvı-ruj kuşidəmon,
Kıştedəmon ıştəni,
Im zəmonə xərob bə,
Mex bə zəmin eşdəni.

Sıpon, ısə, jıgo bən,
Iştə soybi zındənin.
Merdon şən bə Urusyət,
Jenon həni zandənin.
Cıvonon kə-bəşon ni,
Şedən, iyo mandənin.
Məxloği kəy əğandon,
Xıdo boçi kışdəni?!
In zəmonə xərob bə,
Mex bə zəmin eşdəni.