Boris Talişinski de Tolış-Moğan Muxtarə Respublikə tojə pırezidentı unvani bəgəm be.

De “Tolish Media” agentəti xəbon əsos Tolış Moğan Muxtarə Respublikə pırezident Əli Əkrəm Himmətzodə gıləy bəyonnomədə ıştə istefodoeku xəbə doşe.

In bəyonnomədə işarə bedə ki, əgərsə tolışon çı Boku hukuməti tərəfiku de dəğəlboziyon iyən təzyiğon səbəbi ıştə ozodətionku məhrum bin, əmmo bəşər hığuği nəzəku heç curə hərəkəti Boku siyasətmədaron zidd ın təziğon goroş təşkil nıbe.

Himmətzodə ın bəyonnomədə əlovə kardedə bı səbəb ki tojə seçıki dəvoniye imkonışon nıbe əv 2021-minə sori Yanvarə mangi 20-minə rujədə de Almaniyə fedralə respublikədə dərcbıə təşkilati ğayidon əsos de pırezidentı mıovinı unvan təyin be iyən “Boris Talişinski” de Tolış-Moğan Muxtarə Respublikə tojə pırezidentı unvani bəgəm bedə.