Xəbə mənbəon ilon kardəşone ki omə haftədə Turkiyə, Boku iyən Gırciston gıləy nizami manevrı təşkil kardeyo deiyəndı həmfikəti bəkan. Turkiyə Mıdofiə vəzorətən gıləy bəyonnomədə ilon kardışe ki omə dışanbə rujədə sıftənə iclos çı ın manevrı təşkil karde pırogramon bə na berde gorə İstanbul şəhrədə təşkil bəbe.

Erməniston çı Boku iyən Ankara hamsuyəe ki to bə ısət ıştə siyasi nəzə ın manevrı təşkil karde gorə ilon kardə nişe. Əgərsə Ğərəbaği cangi dumiədə Erməni nizami ğıvvon ve çokə vəzyətiədə ğəror gətəışon ni əmmo to bə ısət heç curə jığonə manevrən təşkil kardə nişone.

Lozıme bıvotdəmon ki Boku respublikə veynə nizami avjoron iyən silahon çı Turkiyə iyən co xarici ulkəondə duz dəvardə silahonin. De Boku iyən Ankara arədə əloğon rostbıe əsos Turkiyə bayraktar dıronon bə Boku həvatdə bən, ki Ğərəbaği dəvardə cangi nəticə dəgiş kardeədə ve əsərışon hestbe.