Əçe əvlodon, Rufət Ağayevi 1 manq bə peş hərbi xıdməti bə orəx je votededən.

Azərbaycan ləşqəri hərbi ğolloğəvon Rufət Xanəhmədi zoə Ağayev həlok be barədə Mudafiə Vəzarəti xəbəş doə. Məlumatədə, Rufət Ağayevi de otəşinə silahi ko karde ğaydon kobud şəkilədə darışte nəticədə vəfot karde ğeyd bedə.

Əslən İmişliku bə əsqər jimon kardə Binə ğəsəbədə bə zəmini aspardə bə. Əçe əvlodon hadisə sentyabri 15-də şanqo saat 4-də qıne votedən
“Har kəs qılı sıxan votedə. Rufət Kəlbəcərədə xıdmət kardə be. Oktyabrədə əsqərəti bə orəx jedə be.

De bəmə rəsə məlumati, əv səngərədə kıştə bə. Rəsmion Co curə isə votedən. Şanqo saat 4-də de silahi çiç kardə be? Yəğin bın suali oşkoəti vardə kəs peydo bəbe”, – mərhumu əvlodon votedən.