Dınyo Dəçke İbemoni (UWW) İntizom Komitə İtaliya vərzeşko Frank Çamizoni Bokuədə dəvardə Avropa Olimpiya Təsnifat Turniri niməfinalədə bə azərbaycani vərzeşko Turan Bayramovi məğlub be band etirazi barədə ğərar ğəbul kardəşe..

Çın bəhsi hakim iyən numayəndon 2 manqiku tosə 8 manq mıddəti diskvalifikasiya karde bə ğərar sə bə. Imon Roman Pavlov, Əli Sayvan, Aleksey Bazulin, Kamel Buaziz, İbrahim Çiçioğlu iyən Keysi Qeslin..

Bayramov isə bənə ğalibi oğətə bə. Çumçoko de UWW 53-minə maddə ğalib tatamiədə elan kardə bə peş, bəhsi nəticə deqqış karde əbıni.

Turan Bayramov həmonə bəhsədə (8:8) ğalib omə, bə Paris olimpiada lisenziya ğəzancış kardə. Peşo İtaliya Dəçke Federasiya de hakimon vadoə xətoon band şikatış doə. Dınyo Dəşke İbemoni komissiya bə şikatiş diə kardə, de hakimon iyən numayəndon kardə sehbəton bə peş ğərarış ğəbul kardə.