May 9-də Xətai Rayon Məhkəmədə “AbzasMedia” nəşri direktor Ulvi Həsənli, sər redaktor Sevinc Vaqifqızı (Abbasova) iyən “meclis.info” sayti rəhbər İmran Əliyevi bə kə dustoqəti vadoe ro ros kardə vəsatəton diə kardə bən.

Har se məhkəmə prosesədə vəkilon, huğuğon mudafiə kardə xonəxon dəstqirətiədə oğəte hiç qılı əsas nıbeşon bəyon kardə. Vəkilon, çəvon istintağeku opırtiye niyyətədə nıbe, jiə vıron məlum be, iminə kərə cinayətədə ittihom be votəşone.

Ulvi Həsənli vəkil əçe himayədə kamsininə əğıl be bə məhkəmə nəzəş rosniyə.

İmran Əliyevi vəkili isə muvəkkili dəstqir bə vaxt bə işqəncə məruz mande, mudafiə huğuğon darıstə bekuş qəp jə.

Taxsiko zinə bə xonəxon hiç qılı cinayət nıkarde, bə peşə fəaliyyəton qorə dəstqir kardə be bəyonşon kardə.

Sevinc Vaqifqızı, “AbzasMedia” band cinayət ko çın nəşri bardə korrupsiya otıt-otıriyon qorə,
Ğaraboğədə bərpo koon ro tenderon “Paşa Holding”i doə be ,.“AbzasMedia” bın barədə nıvışte, tenderon bə hakim toyfə şirkəton doə be iddio kardəşe.

Ulvi Həsənliən hiç qılı cinayət nıkarde, de siyasi sifarişi dəstqir be bə zıvonış kardə.
İmran Əliyevən taxsi nıbe bəyonış kardə.
Har se məhkəmə prosesədə mustəntığ çəvon bə kə dustoğəti vadoe etirozış kardə. Çəvon bə kə vadoe, çe istintağeku opırtiye, bə, şahidon təsir karde ehtimal be iddioş kardə.

Har se məhkəmə prosesədə vəkilon vəsatəton təmin bənin. Bə çəvon kə dustoğəti vadoe rədd cəvob doə bə.