Şəmkir əji İzmir Rüstəmovi əvlodon bey Zərdab rayon Polis xonədə bə işqəncə, ləyağəti zidd rəftori məruz mande votedən. Əçe hovə Əminə Məmmədova votedə ki, polison bəçe boə vəynə bə insonəti dənıvıjqiyə hərəkətonşon kardə:
“Bə çımı boəşon joğo zulm doə ki, ə hərəkəton kardə kəson bəştə “inson” votəni nin. Polis idarədə əçe xunşe oğəte ro təcili koməq omə. Ə hərəkəton kardə kəson nomon bəmə məlumin…”.

24 sininə İzmir Rüstəmov iyuni 8-də dəstqir kardə bə. Bəçe vəynə de Cinayət Məcəllə 234.4.1 iyən 234.4.3 (daşt-bədast bə i qrup xonəxon tərəfo bo həvate məğsədi kulli miğdarədə narkotik bə daşt varde, kırnie, oğəte) maddon ittihom bə nav doə bə.

De İzmir Rustəmovi bə ico dəstqir kardə bə Rovşən Bayramlıən de eyni maddon ittihom bedə. Çəvon har deyninəni barədə bo sıftənə istintağ mıddəti ro 4 manq dəstqirəti ğətimko tədbir vıjniə bə.