Ermənistoni Xarici Koon Vəzir Ararat Mirzoyan, Boku Azərbaycan-Erməniston sərhədədə otəşbıryə rejimi darışte ittihomonış rədd kardə.

Mirzoyani ımış de Braziliyavojə həmko Mauro Vieyra marti 20-də didori bədiqə bə jurnaliston musahibədə bəyonış kardə.

Azərbaycani marti 16 və 17-də Ermənistonış otəşbıryə rejimi darışteədə ittihom kardə. Ermənistoni Mudafiə Vəzorət Azərbaycani dezinformasiya pevolo kardeədə ittiham kardə, koy tədğiği ro dı tərəfinə komissiya onoe təklifış kardə.

Erməni diplomati həmən bəyonış kardə ki, Ermənistan bə Azərbaycani regional kommunikasiyon blok be, bə iyəndı silahon nəzorət mexanizmon soxte band konkret təklifon təğdimış kardə.

“Təəssuf ki, bın təklifon Azərbaycani tərəfo konstruktiv cəvob doə bə ni. Əmə hələn bə rabitə və silahon nəzorəti ro doə təklifon mısbət cəvob sə nimone”, – Mirzoyani ğeyd kardəşe.

De Erməniston XKV rəhbərini sıxanon, “erməni hərbi əsiron və əlidə məhbuson ozod karde vəziyyəti xeyli şivik karde əbi”.

“Erməniston regionədə dəvominə sulhi bərğəror be ro dəyəğ bə soziş imzo karde hozzoe”, – Mirzoyani ğeydış kardə.