Lənkəran rayonunun Yuxarı Nüvədi kəndinin yolları keçilməz vəziyyətdədir.

TOLİSHMEDİA informasiya agentliyinin məlumatına görə, sakinlər bildirirlər ki, yollarda əmələ gələn çuxurlar səbəbindən avtomobilləri dağılır, marşrut avtobusları isə, ümumiyyətlə, bura gəlmir:

“Səhər işə, məktəbə getməkdə min əziyyət çəkirik. İctimai nəqliyyat bu yollarda işləmədiyindən çirk-palçıq içində ünvana çatırıq. Xahiş edirik aidiyyəti qurumlardan, yollarımızı təmir etsinlər”, – deyə sakinlər qeyd ediblər.