Tolışstoni zəmin 100 sorisə veye kujon dastədə bezoy. Çoknəy Ozobijon nomədə pesoxtə keşvər onəşone, çə vaxtiku detobə ımrujnə ruji bo çe əmə zəmini əjiyon ruj bə siyopəlu tıkə dəşə. Isətnə holədə bə çe əmə milləti sə vardə qul bə ıştə kuliminasiya titə rəsə. Masalədə Rafil Huseynov, Likədə Rovşən Bağırov, Lankonədə Taleh Qaraşov, Ostoroədə Ğəzənfər Ağayev çe əmə zəmini xoki bə tumbərə qətedən.

Çı koy sədən Bokuədə nıştə İlham Əliey de ıştə naxçıvan – yeraz nomədə həjəmə tobyə   mandə. Ostoroədə ımrujnə rujədə əjiyon dasto çe əvon zəminon de zu əstən, çe əvon rujon bə siyopəlu tık dənəkəs, çe əvon xoki bə tumbərə qətəkəs, naxçıvanıj  Qəzənfər Ağayeve. Qəzənfər Ağayev nav Ostoro Masalədə icra yol bey, nav Masali Vərqədızədə (Yardımlu) icra yol bey, ısətən omə Ostoro icra yoliətiş qətımış kardə. Bə əmə Ostoroku omə xəbon çe əy kardəyon barədə veyin.

Im odəm həni çe odəməti suluki, rəvimoni çiç bey zındəni, ıştənış çe Ostoro Fironış səlo  jəşe. Ostoro zəminədə ya Ostoro həndəvərədə Kasipi dıyoədə çiç hestey bəpe bı odəmi bırəso. Im odəm votedə dey çe Ostoro ostmono pərə pərəndon bəy bəpe bac bıdən. Çe əmə Ostoro tolışonən hələynə bımi tov vardedən. Mande çanəndə tov bavarden?! Ha diəkənən sərko ıme- çanəndə ya detobə kəynə tov bavarden?!

Bı barədə Xıdo rozi de Ostoro əjiyon qəp jəydəmon. Əmə jıqo zındəmon Ostoro ğıryətmandə tolışə balon bəpe jıqo bıkən ki, çe jıqo kujon lınqi çe əmə zəminiku bıbırnon. Xıdo bə çe əmə ğıryətmandə tolışon bı roədə koməq bıbo! Amin!

TolishMedia