Imruj fevralə manqi 26 – də Masali rayoni Təzəkənd nomədə diədə xıyzoni dılədə qəv – qəvə bə odəm kışte hol peqardə.  Təzəkəndi (navkonəni nom Nuvədi) əji Sərvan nomədə odəmi ıştə jenə həmro Alimə, ıştə ğəyn Alim iyən ıştə həsı Zemfiraş de tifanqi jəşe. Qululə qıniey hucobətədə Alim iyən Alimə dərhol mardən.

Çe əy həsı Zemfira hol qone, əvışon bə Masali Mərənqo Noxəşxonəşon rosniyəşone, vırəbəvırəşon kardə.  Sərvan ıştənən qonə holədəy. Əy ım se xonəxo de qululə jəbəpeşt bə ıştənışən qılə qululəş jəşe, xırtədə yarajə bıə, mande mardə ni, əvən noxəşxonədəy. Sarvan kamişi çe ımi bə nav tastqirxonədə nıştəbe. Əv qırd bı nezonədə çe dastqirxonəku ozod bıə.