Masali Mərənqo Noxəşxonə polison eqırdədəy, noxəşxonə qərdəni kəşə polison əyo hiç kəsi vodoydənin. Noxəşxonə fevrali 27 – ku bastə bıə. Noxəşxonə dərvozə navədə detobə 10 xonəxo polis mandə, əmə bə əvon nez bimon, bə dılə dəşe piyemon vote. Əmənışon vanıdoşene, nıvıştəşe bə əmə çe əmə Tolışstonədə həşə əlehdə muxbir Sərdar Bunyadovi.

Polison noxəşxonədə karantin səlo jəyışon votə. Əvon əvışonən ziyodə kardəşone ki, noxəşinon bə Bırədiqo ya bə Lankoni noxəşxonon bışun. Masali noxəşxonədə sovı momonxonə hiç qılə xonə ko kardəni. Mande pezışkon həmə ıştə vırədən. Odəmon jıqo holiku ve norozin, noxəşxonə nəzdədə poliklinikan ko kardəni.

Noxəşinon xıvandon zınedənin ıştə noxəşinon bəy bobən. Bə əjiyonən bı barədə  hiç qılə rımuz doydənin. Diəroə diyonku omə noxəşinon marde holədən, ımon hiç bı mardə əjiyon pirnavat kardənin. Xıdo bı jıqo keşvəri qılə çarə bıko ki, odəmon con perəxo. Həni co çarə ni Valla !