De koronovirusi anqıl İroni de Ozibiconi marzisə mandə Ostoro rayoni sərpezışk Əlovsət Əliyev koyku bekardə bey. Əlovsət Əliyev Ostoroədə vəzifədə ko kardə iqləliyə tolış bey, ısətən bə çe əy vırə qılə yerazışon noy, demiyən bə koronovirusi bac oməyn. Diəkənən ımon çanəndə xəspuş, miyonqəz, kamfırsətə odəmin ki, har qılə bevəcə holədən bo ıştə foydə peqətero bə hımıcımin. Tolışən ki, hələ hıtə siyoxovi əvış bardəşe.

Əlovsət Əliyev ve penə fayəynə pezışke. Əv çiç bıkə ki, bı vironə, pesoxtə keşvər Ozobiconədə bo normal pezıkəvonəti iqlə əbjor ni. Noxəşxonon bə kaqə ferma mandən. Im dınyoədə ovcbemonədəş analoqış nıbə vironə bə Mədaini vılobəyon mandə. İyo bo odəmi fayəmandə holədə jiey iqlə rımuz ni. Imonən bə çokə pezışkon dast qəte, bə əvon çokə əbjoron doy, bıdə əvon ım virusiku odəm peroxnon, çı ımi vəyə əvon ijən de pulxorəti ğalin. Xıdo bı ımon qılə çarə bıko, odəmonən bə qılə fərə ruj beşun!

Tolish Media.