Imsornə sori fevralə manqi orəxnə haftə bo Masali ve qonə haftə bey. Hejo de ıştə aşişəmijə jimoni de ıştə xosə miji jiyə Masali dəvardə manqi orəxnə haftəş ve qonış dəvonişe.

Tıəzənədi (Nuvədi)  faciə.

Təzəkənd nomədə diədə cıvonə xıyzoni yoli ıştə 21 sornəni həmro iyən ıştə ğəynış de qululə jəşe kıştışe.Iştə 43 sornəni ohilə həsışən yarəjəş karde, ıştənışən jəy , qonə holədə dıynənən bə Masali noxəşxonə vırəbəvırə kardə bin. Çı ğəziyə bınədə bə qəv nıvardə, hiciyo nıvıştə nıbə, biaburçiytiyə ko mandəbe.

Dı qılə xıyzon vılo kardə qululəbaronəti.

Peş Təzəkəndi xunkorə ğəziyə maşkinə ruji ıştən Vərqədizo (Yardımlu) bıə mande ve vaxte Masalədə jidə “Baron Şəmi” nomədə  dıqlə fərzəndi xıvand Şəmsəddin nomədə odəm zəmini səpe de çe əy boə dasti de qululə kıştə bey. Əy bə qululə jəkəs dastqir kardə bey.

Masalli DSMF-də “Banditotel” –  dastqo

Haftə  orəxnə rujonədə manqi 28 – ku bə 29 – i ovaştə şəvi Masalədə orəxnə soron qırd zubedə korrupsiya dastqo dəvoniyə bey. Bə həjəməti iyən pulxorəti vəynə perıziyə xonə əhəşon Masali DSMF- i vəzifəynə ko əkə Mətləb Məmmədovışon karde iyən çe əy boəşon de plastik karti dələdızəti kardeyro dastqirışon karde.Əvonışon dıynən bə Boku bardışone.

Şəhəri 1 numrəynə məktəbi “ostmon otəşi dılədəy” Masali qırd veyə aşmardış bıə miyonə məktəbədə ( 200 qılə ustod, 1600 qılə şoqird) Təhsil Vəzirəti Nəzarəti dastqo ve zumand osə ğandedə. Miyonədə xəyli pifə atestaton, xəyli pifə sənədon bə mıhi jəıy holon bə miyon beşən. Hələydə osə ğande hol bə sə qınyəıni, mande ım vey yolə biaburçiyətiey. Votedən çı məktəbi “patron” məvuji noxəş qıniyə.Əve hələynə ve çiyon oj kardənimon. Imiən bıvotəmon ki, de həyfi ki, ımon hələ Masalədə qıniyə orəxnə haftədə həmə çiyon in. Xıdo ıştən bə Tolışə xəlği koməq bıko!

Tolish Media.