Anar Rəfiyev de ıştə 7 sə xeyzoni Lankoni Qırdəni diədə kirədə jidə.

Anar Rəfiyev votdə vey vaxte be kəye. Xeyli mıddət Bokuıdə kirədə jiən. İyo koən biko, quzaranış vey qıvonin bə. Peşo bə Şamaxı, jimoni həmro valideynon kəş dim qətə

“Əyo az vey xəcolət kəşdə bim, əve bə ğəror omim bəşdə moədə bə di oqardım. . Kirə mande mande boştə kə peğətem piye, koy ehdədə ome nıznim”.

Holiədə çımı xeyzon Qırdəniədə kanə binon qıleədə kirədə mandə.

“Bina vey kanəy, əve har voyə voş key dılədə bedə. Ov ni, soədəmon çol kandə, çəyo de vedrə ov kırnidəmon. Bə Həmom-tualet humsuyə şedəmon.

Bo kə peğəte de faizi peğətə puli kəmon tosə 12 sığe ros karde zıne. Işətən 240 mənot sə məvacıb bə ğarz şedə.
Mandəmon bə sosial koməqi umo- dın puli həmə kirə həx, həm komunal xarcon dodəmon, həmən harde sedəmon.
Anari jimoni həmro Gülnarə Rəfiyeva hətto sosial şəbəkonədə koməqış bıpiyoən, bəçe sədo sədo bıdə bəni.

Anar Rəfiyev dı kərə bə iminə vitse-prezident Mehriban Əliyevaş ovardemon kardə votedə “İcra Hakimiyyətiku omin vıtşone hələ imkanmon ni”.

Rəfiyevon xeyzonədə 5 qılə hırdən yol bedə – yoli 8 sinədə ruki 1 sinədə.

“Vey vaxt bo qujd se imkan bedəni, ısət tovsone de moğnə, de tərəvəzi təhərinə kardəmon. Vəşi mandə vaxtmonən kam bedəni. Təki əğlon vəşi nımandon. Həmsuyon vəziyyət fər nıboən bəmə dast qətedən.- Anar Rəfiyev votedə.

Tolish Media