TolishMedia informasiyə agentəti muxbir Ermənistoni sərşəhər İrəvon şəhəriki xəbə doedə ki, Artsax Respublikə iyən Ozobiconi marzi səpe hərbiə əməliyoton dəvom kardedən.

Bə pevılo bıə sərostə məlumoton əsosi, Ozobiconi tərəfi 397 nəfər tələfotış heste, 30 gılə tank iyən 20 gılə bepilotə təyyarə gin kardəşe.

Ermənistoni informasiyə mərkəzi məsul Artsrun Hovhannisyani xəbə doəşe ki, Ermənistoni ləşğəri 16 nəfər sərbozon bə xıdo rəhmət şən, 100-sə vey kəs yarəjə bən. Çəvonku 10 sərboz bo mıolicə ro bə İrəvon bardə bən.

Bə yod dəğandəmon ki, ımruj, sentyabrə mangi 27-nə ruji rəbədə Boki dovləti ləşğəri otəşbıri rejimış darıştə iyən bə Artsax Respublikə hıcum kardəşe. Ozobiconi hərbiə ğıvvon Artsaxi şəhəron, ə cumlədə sərşəhər Stepanakert bombardmon kardəşone. Çımi nəticədə dincə əholiədə gıləy jen iyən əğıl kıştə bən.