Ozərboycon respublikə ojnən bə Ermənistonı hıcum bəkarde?
In 2 gılə ulkə sərhəddondə vəzyət dəgiş bedə. Çand vaxt bə na, çı Boku respublikə iyən Erməni mısəlləh ğıvvon arədə çı ın 2 gılə ulkə sərhəddondə pırablemoni təşkil bən ki əlbəttə de Urusiyə vasitə iyən mudaxilə Boku nizami
ğıvvon bəştə nakonə mandə vıron ogardin.

De News Armenia agentəti vote əsos Bandıkoə Ğərəbağı məntəğə ləşgəri mərkəz ilon kardəşe ki Boku respublikə mısəlləh ğıvvon ki dəvardə cımə rujədə Sisolan Martakert şəhəri nezədə nizami əməliyot təşkil karde pidəşbe, Urusiyə sulhinə ğıvvon muzakirəon nəticədə bəştə dəvardə mandə vıron ogardən.

Nakoən Urusiyə mudafiə vəzorətən xəbə doəşbe ki Ozərboycon respublikə nizami ğıvvon Yarimca nomədə di nezədə Cangı otəşı səkarde ğərordadı poymol kardəşe.

Erməniston iyən Boku respublikə dəvardə haftədə ilon kardəşone ki Çand da sor cangiku dəvardeədə ısət ıştəni bo sulhıyo hozı bəka. N 2 gılə ulkə 1990-nə soronku to bə ımruj de iyəndı pırablemışon heste iyən dəvardə 2020-nə sorədən 44 ruj deiyəndı bə cangi məşğul bin.

Əlbəttə lozıme bıvotdəmon ki ın mangədə Nikol Paşiniyan Ermənistonı sədr vəzir iyən İlham Əliyev Boku respublikə pırezident Brokselədə de iyəndı vindımon kardışone ki ın 2 gılə ulkə arədə sulh votdımonon təşkil kardeyo ıştəni hozı bıkən.

Dimitry Pesıkov çı Kremı natiğən ın barədə ilon kardışe ki: jığonə sulh sənədı bə navşıe gıləy mısbət həğiğəte iyən kıməgəti bəkamon.