Dınyo roqardışədə ve sivilizasiyon de yəndı canqışon kardə. Əvən bərmaləy ki, canqi bə hiç qılə dınyo mərdumi foydəş doəşni, nekini çımi vəynə bə har qılə mərdumi canqi tuməbıryəti, kaxtiyəti, vəşyənətiş vardə. Bəvədə ıştəni dınyoədə bənəy çoki vardə zu səlo jə ım kobəbəson bə xosiyən Amerika İconə Ştaton boçi dınyoədə canqi moyə, canqi rişə ıştənədə bardedə?

Oxo ım keşvər votedə: az dınyo demokratiya nənəm. Ha, iyo qirəm çok vir səğandəmon, bəvidemon ım ğəziyon jıqo boçi sə qətedən. Ko bımədəy ki, dınyo hələ de Adəmiku jıqo bə dıqlə dastə cobəco bıə. Im i dastə çe Habili sonon dıminə dastə ısətboy çe Qabili sononin.

Əyən çok zınedəmon ki, Qabili Habilış kıştə, dəyən ovaştə bə şəytoni dastə reçə. Əve detobə ımrujnə ruji çə Qabili fərzəndon hələən ıştə şəytonə koonku dast kəşedənin, binim çoknəy Amerika İconə Ştatonən de ıştə dastə çə dastə reçədən.

Kobəsoni keşvəron ımruj bə Rusiya vəynə bardə ım canq hələ çıl sor çımi bə nav bə İroni vəynə səlo jə bıəbe. Bəvədə ve keşvəron, hejo Rusiya iyən Çin bı koy sardon mandin. Isət bə vaxti çəvon mandə sardonəti bo əvonro ve boho bə sə omedə.

Şəyton ımruj çe kobəsoni keşvəron, kobəsoni dəvləton dimədə bənəy qabili sonon bə Habili sonon vəynə ıştə canqi bardedən. Bəsə dəşe lazime ki, şəytoni baləliyon detobə ğıyoməti ruji ıştə canqi babarden. Sərko əve , ımi əmə bəsə dəşəmon. Bəsə dəşəmon ki, əmə de şəytoni balaliyon canq kardedəmon.Həmonə şəytoni baləliyon kobəsoni keşvəronin!

Xudayar Bırkanduli