Dəvardə mangonədə Ozərboycon respublikə davlət de ın ulkə Şiəon dim bə dim mande iyən əçəvon hərəkəti məhv karde siyasəti ve zumand idomə doəşe. Gasbo bı səbəb ki Boku hakimon, xəlği bə dini tərəf ogarde deştə ğıvvətmandəti zidd zınedən.

Ukrain iyən Urusiyə arədə cang iyən Şərği Əvropa ımrujnə vəzyət səbəb be ki umumi nəzə iyən dınyo fik çı Ozərboycon respublikədə Şiə mısılmonon vəzyəti bə nəzə gəteku bə kəno bımando.

İslam dınyoədə Ozərboycon çı Şiə ulkəon 2-minə ulkəye ki İronı Şumal sərhəddondə ğəror gətəşe. Əmmo dəvardə mangonədə həmzəmon de Ukrain iyən Urusiyə arədə cangi iyən Şərğı Əvropa ımrujnə vəzyəti, Ozərboycon respublikə ın ulkə Şıə mısılmonon məhv kardeyo bənə gıləy cangiyə məydon be.

Səvet hukuməti vılobıeku bə peşt Ozərboycon respublikə şəhrvandonən bənə co respublikəondə jiyə xəlğon ıştə əsıl-nəsəbi şəxsiyəti pəydo karde dumiədə bən ki şəxsiyətədə çı Səvet hukuməti dıvrəsə mıstəğil bımandon, əlbəttə ki ın hərəkət hejo idomə hestışe. Əmmo Ozərboycondə bə diniyə şəxsiyəti tərəf ogarde de Boku mıborizə karde iyən kırizisi dim bə dim mandedə.

Jəğo ki həmmə zındən; Ozərboycon respublikədə veynə cəmoət Şıə cəmoəte. Əgərsə Bokuədə hukumət de nasionalism məsələ həssosiyotış nıbo əmmo əgəm ın millətçiəti de dini iyən İslami təlimon həmro bıbo Boku davlət ve ciddi dəvon mıborizə bəkarde.

In bı holədəy ki Ozərboycon respublikədə jiyə xəlğon milli şəxsiyətdə dini xusyəti co karde mımkun ni. Çımçiku dini şəxsiyət ın ulkədə jiyə xəlğon ənmıhummə baxşondəye.

Omə baxşədə Haj Tale Bağırzodə votəon həxədə iyən Bokuədə co ictimayi-dini hərəkəton barədə bənvıştemon… .