İyulə mangi 24-ədə saat 22:00-ədə Boku dovləti hərbiə ğıvvon MİG-29 modelədə bıə hərbiə ıştənəpər ənəxəbədə radaron səpeku gin bıə. Bə sıftənə məlumoton əsosi, Ozobiconi hərbiə ğıvvon təyyarə Kaspi dıyoədə suğot kardəşe. Çımi həxədə Ozobiconi mıdofiə vəzorəti mətbuotı xıdməti xəbə doəşe.

Ozobiconi mıdofiə vəzorəti gıləy bəyonotədə elonış kardə çı məmləkəti MİG-29 hərbiə ıştənəpər dəvardə şəvi bə Kaspi dıyo egıniə. Boku dovləti mıdofiə vəzorəti ımrujnə bəyonotədə votə bedə ki, ım hərbiə təyyarə çı Respublikə həvoiyə ğıvvə bıə ki, məşğ dəvone ro bə osmon rost bıə be iyən de texnologiyə problem dim bə dim bedə, bə Kaspi dıyo egınedə.

Im məlumotədə bə ım hərbiə ıştənəpəri piloti tale hiç gılə işorə bıə ni.