Ozərboycon respublikə pırezident İlham Əliyev, Ermənistonı 1-minə vəzir Nikol Paşiniyan iyən Əvropə vəhdətinə təşkilatı şura sədr Şarl Mişelı arədə 4-minə vindımon Brussel şəhrədə təşkil be.

Ozərboycon respublikə, Erməniston iyən Əvropə şurə 3-tərəfinə vindımonədə sulh məsələ barədə sıxan kardışone.

Əvropə vəhdətinə təşkilatı şura sədr ın vindımonı idomədə gıləy jornaliyə konfıransiyədə Erməniston iyən Ozərboyconı xarici vəziron i mangədə vindımon karde fursətıku xəbə doşe iyən votdışe: Imruj ın 2 gılə ulkə arədə sulh ğərordadı rost karde barədə ki əlbəttə əçəvon əloğon zumandbıeədə lozıme ve cəhd kardımone iyən bə xarici vəziron aspardımone ki i mang muddətdə sulh ğərordadı nıvışte gorə deiyəndı vindımon bıkən.

Şarl Mişel əlovə kardışe ki: əmə Ğəfğaz məntəğədə oxnə hadison iyən har 2 gılə ulkə əloğon de Əvropə şura, çəmə muzakirəondə nəzədə gətəmone. Har şeyən ki lozım be analiz kardəmone.

Əv əlovə kardışe ki əmə ımruj 2 tərəf ulkəondə məhbusbıə kəson iyən sərhəddon mıəyyən karde gorə ve mıfəssəl votdımon kardımone.

Əv ijən votdışe ki əmə bə ğəror oməymon ki sərhəddon mıəyyən karde omə konfıransiyə Nuyabrə mangədə Brussel şəhrədə təşkil bıbo. Əlbəttə əmə bovəımon heste ki həmmişəlığə sulhı təşkil kardeyo har 2 gılə ulkədə jiyə xəlği fikon hozı kardeən ve mıhumme. Ğəror be ki Nuyabrə mangədə ijən vindımon bıkəmon.