Məhkəmə imi de istintaği bə orəx nırəse anqıl kardə.

Azərbaycan Demokratiya və Rifah Partiya (ADR) sərdor, professor Qubad İbadoğlu həxədə sıftənə istintağ mıddəti ro vıjniə dəstqirəti ğətimko tədbiri mıddət 3 manqən dıroz kardə bə.
Noyabri 16-də Nərimanov Rayon Məhkəmədə joğo ğərar bekardə bə.

Məhkəmədə məstəntığ Qubad İbadoğlu həxədə dəstqirəti mıddətini dıroz karde ro prokurori edaştə təğdimatı əsa, hələ istintağ bə orəx rəşə nıbeş bəyon kardə.

De əçe qəpi, dın cinayət ko çimi bə peşən kali istintağ hərəkəton bardə bəbe.
İstintağ dəvom kardə mıddətədə isə Qubad İbadoğlu dəstqirətiədə oğəte zəruriş zınə. Qubad İbadoğlu inən əçe vəkilon bə mıstəntığe votəy etirazşon kardə.

Əvon, dəstqirətiədə partiya sərdori səhhəti vey bevəc be bəyonşon kardə..

Qubad İbadoğlu taxsi nıbe votə vəkilon, hətto istintağ dəvom bıkoən, ey dəstqirətiədə onığətə imi karde bəbe iddio kardən .Qubad İbadoğlu istənən taxsi nı be, de saxta ittihomon dəstqirətiədə oğətə be qorə bə məhkəmə təğdimat edaştoən əv təmin kardə bə ni. Əçe vəkilon Nərimanov rayon Məhkəmə ın ğərariku apelyasiya şikat karde fikədən.