Ozobiconi Respublika Xəlği Ğılovşə, xanəndə Teymur Mustafayevi 81 sori dılədə ıştə dınyoş ovaxtışe. Teymur Mustafayev çe Həmoşəru ( Cəlilabad) Alar nomədə diədə 81 sor çı ımi bə nav çe moəmo bıə. Cəlilabadi Alaru odəmon çe Vərqədizo omən. Vərqədizi Alari di əjiyon çe Liki Orando omən, Orandi Alar nomədə tobyən. Teymur Mustafayev tolışə zıvoni ve çok əzıni. De həmə tolışon tolışiədə qəp əjəni. Əve Tolışon jıqo qılə sipirişi ıştə dınyo ovaxtero, pərişon, pəjmurdə bin. De çe əmə Ozobiconi məsə rımuzon ım piəmerdışon de koronavirusi noxəşi marde barədə du – təlbis pevılo kardə Ozobiconi Zıbudə İnformasiya Vasitonən hestin. Teymur Mustafayevi ləşi bə çe əy di Cəlilabadi Alar nomədə di bəvan. Əy çe əy jeni iyən zoə tono Alari tıbəsoədə bə zəmini basparden.
Tolish Media.