Boku Bulbulə, Əmircan ğəsəbon əhali dılədə 2023-minə soron oxoku Hepatit A virus noxəşi pevolo bə. Mərəzi qəteku ehtiyat kardə əjiyon veyni əğlon bə məktəb vığandənin.

Ğəsəbədə bənə ehtiyot tədbir maskaku istifadə kardən. Ğəsəbə əjiyon votdən ki, ın mərəz Bulbulə osonəro xətti əraziku dəvardə istismar mıddət orəxə kanalzasiya lulənku şə çirkinə ovi bə peşomə ovi umjən qınekue.

Səhiyyə Vəzarəti Respublika Qiqiyena iyən Epidemioloqiya Mərkəzi doə məlumatədə, ovə şəbəkədə xlori mıvəğğəti barz be band Əmircan iyən Bulbulə ğəsəbon omə ovə anbo əraziədə 1 qılə xlor reagenti doza kardə nasos onoə be votə bedə.

Bə “Azərsu” ASC doə məlumati bovə nıkardə ğəsəbəvojon ha ruj oviku bu ome şoyd bedən, ovi de puli hıridən, imkon nıbə kəson kə şəraitədə təmiz kardən. De mutəxəssison fiki, Hepatit A virusi əsas mənbon çirkinə ov iyən qida məhsulone.