Kriminal avtoriteti barədə bo sıftənə istintağ mıddəti ro 3 manq dəstqirəti ğətimko tədbir vıjniə bə
Kriminal aləmədə bənə “Oleq Bakinski” zınə bə, Kiyev Azərbaycanovojon Konqresi sərdor Oleq Krapivi barədə Bokuədə dəstqirəti ğəror doə bə. 64 sininə kriminal avtoriteti həxədə bo sıftənə istintağ mıddəti ro 3 manq dəstqirəti ğətimko tədbir vıjniə bə.

Oleq Krapivin Dılətonə Koon Vəzarəti Sər Mıtəşəkkil Cinayətkoəti Mıbarizə İdarə (“bandotdel”) koəkon tərəfo qətə bə. Çın idarə bə Nərimanov Rayon Məhkəmə əçe həxədə dəstqirəti ğəror doe ro edaştə təğdimat təmin kardə bə.
Şamaxı rayonədə bə dınyo omə, 6 sinədə de valisdeynon bə Boku kuç kardə Oleq Krapivin sərbəst dəçkeədə vey kərə Azərbaycani çempion bə.

35 soreki, de xeyzoni Kiyevədə jiə Oleq Krapivini nom “Forbes”i bə “Ukrayna 100 ən ərbobə odəm” siyahiş dənoə. Əv, bın siyahiədə de 84 milyon dollar emıniyə 98-minə vırədə bınış qətə be.
Oleq Krapivin Prezident İlham Əliyevi 21 aprel 2022-minə sor tarixinə sərəncomi xalqon miyonədə dustiəti ğoym karde iyən Azərbaycan diaspori inkişafi sahədə xıdməton qorə de “Dostluq” ordeni təltif kardə bə.