AXCP dəstqirətiədə bə fəal Elnur Həsənovi bə orəx rəsə.

Avqusti 2-də Boku Qonə Cinayəton Məhkəmədə bey hukm handə bə. De handə hukmi, Elnur Həsənov de Cinayət Məcəllə 234.1.-1 (bo həvate məğsədi nıbe kulli miğdarədə narkotik bə dast varde), maddə taxsiko zınə bə, 3 sor ozodətiku məhrum kardə bə.

Avqusti 2-də dəvardə məhkəmə prosesədə sıftə devlət ittihaməvoni qəpış jə.

Prokurori bə Elnur Həsənovi vəynə Cinayət Məcəllə 234.4.3 (kulli miğdarədə narkotik bə dast varde, kırniye –bo həvate məqsədi kardeədə) maddə ittihomi məhkəmədə subut be iddioş kardə. Əv, dın maddə fəali 6 sor 6 manq ozodətiku məhrum kardeş piə. Vəkil Elnur Həsənovi səpe narkotik peydo be təsdığ kardə hiç qılı subut nıbe, əçe “Facebook”ədə ro polison fəaliyyəti tənğıd kardeş bəyon kardə. Elnur Həsənovi polisxonədə de işqəncon bə sənədon imzo məcbur karde be iddioş kardə.