Marti 7-də Azərbaycan Xalq Cəbhə Partiya (AXCP) fəolon – Qaradağ rayon şebə sərdor Zaur Əsqərov və Binəqədi şebə uzv Qunduz Mirzəyev de bə devlət əleyh vanqon taxsi qətə bən.

Əvon de Cinoyət Məcəllə 281.2-minə maddə (bə devlət əleyh oşkoə vanq, təkror və ya i qrup xonəxon tərəfo kardeədə) ittihom bedən. Dın maddə əvon 5 soriku tosə 8 sori ozodətiku məhrumkardə cəzo se bəznen.
De Binəqədi Rayon Məhkəmə ğərori, har dı fəoli barədə 2 manq dastqirəti-ğətimko tədbir vıjniyə bə.

Marti 13-də Boku Apellyasiya Məhkəmədə bə çəvon dastqirətiku doə ğəroriku doə şikoti diə kardə bə.

Zaur Əsqərovi vəkil Nemət Kərimli bə “Azadlıq” radio bəyonış kardə ki, çəvon dastqirəti ro ğanunədə tələb bə maddi və prosessual əsoson nin, Zaur Əsqərovən ıştəni taxsiko hisob kardə ni.
Apellyasiya şikot təmin bə ni, Binəqədi Rayon Məhkəmə ğərorış ğıvvədə oğətə.