De doə məlumoti, Subhan Həsənli Sər Prokuratura İstintoğ İdorədə de Cinoyət Məcəllə 192.2.2 (beğanun soybkoəti, kulli miğdarədə ğəzənc bə dast varde kardeədə), 213.1 (xeyli miğdarədə naloq, bekoətiku sığorta, icbori tibbi sığorta və ya məcburi devlət sosial sığorta həxon doeku opırtiye), 308.2 (bə qonə nəticon səbəb bə vəzifə səlahiyyətonku sui – istifadə karde), 193-1.2.3 (ıştə ğolloğ mevğeku istifadə de cinoyət ro bə dast vardə əmloki leqal karde) 313 – (vəzifə saxtakoəti) maddon cinoyət koy ro bə məsuliyyət cəlb bə.

Subhan Həsənli istintoğeku opırtiye ro barədəş de Binəqədi Rayon Məhkəmə ğərori dastqirəti ğətimko tədbir vıjniyə bə.

Azərbaycan hakimiyyəti mıstəğıl ğeyri-hokumət təşkilaton (QHT) vəynə 2014-minə sori bino kardə, peso dəbastə cinoyət ko ikərən oj be votə bedə.
Sər Prokuratura İstintoğ İdorədə de Cinoyət Məcəllə 192.2.2 , 213.1, 308.2 və de əlidə maddon cinoyət ko bino bə, ibtidai istintoğ bardə bedə.
Cinoyət ko Azərbaycanədə fəoliyyət nuşu doə xeyli ğeyri – hokumət təşkilaton, çəvon rəhbəron, xarici ğeyri – hokumət təşkilaton filial və numayəndətiyon fəoliyyətonədə oşko bə ğanun darıştəy fakton tədğiğ kardə.

2025-minə sor marti 14-də “Vətəndaş Huğuğon” İnstituti rəhbər Bəşir Suleymanlı və “Səçıni Muşahidə Alyans”i rəhbər Məmməd Alpay (Məmmədzadə) dastqir bən.